ما ولا

ما بقوليك يا وحيدة يا فريدة ولا بحبك
ولا بقوليك النجوم عديتها ليكِ وما بنوم
وما تظني يوم ارسم قلب ويشقو سهمك
ولا بصور حالي مجنونك ومسكون بالهموم
ما تحلمي يجمعنا زورق وابقى جنبك
ولا بتشبهي القمرة البتضوي مع النجوم
ما ترجي خيلي الأبيض العائش بظنك
ولا بحلق بيك فوق بين الغيوم
لكن ... ورغم عن كل الحروف الشايلة منك
ما تشكي لحظة همسة البوح العليكِ هجوم
ولا تقولي زول عدم الوصول ليكِ وبفنك
اسبابي خايف اتعودك وابدا من بعدك ألوم
وأعرفي عمري وأصلي ما شكيت بفنك
واني مما وعيت بفتش ريد يدوم
فتشت ليك خطوات دوام تحلم تضمك
طال انتظاري أنقب النيل والتخوم
ضيعت فيك زمني البفر يوم يحكوا عنكِ
ما بتشبهي القبلك ولا المليت اشوفهم كل يوم
وآخر سبب ما بتنطق بس بيني بينك
ما لاقي أشواقك معاي كلها بتبحر عليكي تجيكِ عوم
وفجأة ألمح طلتك يغمرني دنِّك
بفقد ثباتي وبنهزم قدام عيونك وما بقوم